ඉංගිරිය ප්‍රාදේශීය ලේකම් කොට්ඨාසය අර්ධ නාගරික මෙන්ම සීඝ්‍රයෙන් කාර්මීකරණයට භාජනය වන ප්‍රාදේශීය ලේකම් කොට්ඨෘසයකි. එම නිසාම යටිතල පහසුකම් අතින් විදුලිය ඉතාමත් වැදගත් සාධකයකි. එම නිසාම දැනට ඉංගිරිය ප්‍රාදේශීය ලේකම් කොට්ඨෘසයේ මුළු බිම් ප්‍රමාණයෙන් 93% ක පමණ විදුලි බලය ව්‍යාප්ත කර ඇත. එමෙන්ම අධි සැර රැහැන් මෙන්ම එකලා, ද්විකලා, තෙකලා, විදුලිය අවශ්‍ය පරිදි ප්‍රාදේශීය ලේකම් කොටඨාසය පුරා ව්‍යාප්ත කර ඇත.
ඉංගිරිය ප්‍රාදේශීය ලේකම් කොට්ඨාසයේ විදුලි බල අවශ්‍යතාවයන් ඉටු කිරීම සදහා විදුලි පාරිභෝගික මධ්‍යස්ථානයක් විදුලි අධිකාරීවරයෙකුගේ ප්‍රධානත්වයෙන් ප්‍රාදේශීය ලේකම් කොට්ඨාසයේ පිහිටුවා ඇත. එහි 38ක පමණ සේවක සංඛ්‍යාවක් සේවයේ නියුක්තව සිටී. එමෙන්ම එම ආයතනය මගින් බුලත්සිංහල, හොරණ හා පාදුක්ක ප්‍රාදේශීය ලේකම් කොට්ඨාසවලින් පාලනය වන ප්‍රදේශවලින් කොටසක්ද ආවරණය කරනු ලැබේ.
ඉංගිරිය විදුලි අධිකාරී බල ප්‍රාදේශය තුළ විදුලි බල ව්‍යාප්තිය 2014 වර්ෂය වන විට පහත ආකාරය වේ.
- ගෘහ පරිභෝජනය (පවුල්) - 17,507
- ආගමික මධ්‍යස්ථාන - 58
- ව්‍යාපාරික මධ්‍යස්ථාන - 786
- සුළු කර්මාන්ත - 71
- තොග සැපයුම් - 72
එමෙන්ම ජනතාවට විදුලිය බෙදා හැරීම සදහා උප පොළවල් 34ක් පමණ ප්‍රාදේශීය ලේකම් කොට්ඨාසය පුරා ව්‍යාප්ත කර ඇත. එය පහත ආකාරයට වේ. 2014 වර්ෂය වන විට ඉංගිරිය විදුලි අධිකාරී බල ප්‍රදේශය තුළ විදුලිය බෙදා හැරීමේ උප පොළවල් 40 ක් අලුතින් පිහිටුවා ඇත. මේ අනුව විදුලිය බෙදා හැරීම සදහා වන මුළු උප පොළවල් සංඛ්‍යාව 74ක් වේ.
| අනු අංකය | වසම | වසමේ අංකය | උප පොළවල් සංඛ්‍යාව |
|---|---|---|---|
| 01 | වගවත්ත | 618 | 04 |
| 02 | පොරුවදණ්ඩ නැගෙනහිර | 618 ඒ | 01 |
| 03 | කැකුළලිය | 618 බී | 02 |
| 04 | පෝරුවදණ්ඩ බටහිර | 618 සී | 03 |
| 05 | ඌරුගල නැගෙනහිර | 619 | - |
| 06 | නම්බපාන | 619 ඒ | 01 |
| 07 | ඌරුගල බටහිර | 619 බී | 02 |
| 08 | ඉංගිරිය නැගෙනහිර | 620 | 01 |
| 09 | ඉංගිරිය බටහිර | 620 ඒ | 02 |
| 10 | රයිගම්වත්ත | 620 බී | 01 |
| 11 | ඉංගිරිය උතුර | 620 සී | 01 |
| 12 | නිමලගම | 620 ඩී | 01 |
| 13 | ඇදුරාගල | 620 ඊ | 02 |
| 14 | දොඹගස්කන්ද | 620 එෆ් | 01 |
| 15 | මහ ඉංගිරිය | 621 ජී | 01 |
| 16 | මාපුටුගල | 621 | 02 |
| 17 | රත්මල්ගොඩ නැගෙනහිර | 621 ඒ | 02 |
| 18 | රත්මල්ගොඩ බටහිර | 621 ඒ | - |
| 19 | පැල්පිටිගොඩ | 622 | 01 |
| 20 | හඳපාන්ගොඩ දකුණ | 623 | - |
| 21 | හඳපාන්ගොඩ නැගෙනහිර | 623 ඒ | 01 |
| 22 | හඳපාන්ගොඩ බටහිර | 623 බී | 01 |
| 23 | බටුලම්පල | 624 | 01 |
| 24 | කැකුළදොල | 624 ඒ | - |
| 25 | අරකාවිල | 625 | 02 |
| 26 | මෙනේරිගම | 625 ඒ | - |
| 27 | කඳනපිටිය | 626 | - |
| 28 | කොට්ටියාවත්ත | 626 ඒ | 01 |
| 29 | කුරණ දකුණ | 627 | - |
| 30 | කොටිගල | 627 ඒ | - |
| 31 | කුරණ උතුර | 627 බී | 02 |
| එකතුව | 34 | ||
ඉංගිරිය ප්‍රාදේශීය ලේකම් කොට්ඨාසයේ විදුලි බලය භාවිතා නොකරන පවුල් 1000ට ආසන්න ප්‍රමාණයක් සිටින අතර ඔවුන්ට ගෘහ පාරිභෝජනයට විදුලි බල පහසුකම් ලබා දිය යුතුය. එමෙන්ම මෙම ප්‍රදේශය සීඝ්‍රයෙන් කාර්මීකරණය වෙමින් පවතී. මහා පරිමාණ ඇගලුම් කර්මාන්ත ශාලා, අපනයන සැකසුම් කර්මාන්ත ශාලා ඇති වෙමින් තිබේ. එම කර්මාන්ත ශාලාවල ඉල්ලුමට සරිලන ආකාරයට විදුලි බලය ලබා දීමට කටයුතු කළ යුතුය. එමෙන්ම මෙම ප්‍රදේශයේ දිය පහරවල් කීපයක්ම කළු ගංගාවට ගලන බැවින් එම දිය පහරවල් භාවිතා කරමින් කුඩා පරිමාණ ජලාශ නිර්මාණය කර විදුලි බලය නිෂ්පාදනය කිරීමේ වැඩසටහනක් දියත් කළ යුතුය.