ශ්‍රී නාගලෙන විවේකාරාමය

වසර 15ක් පමණ අතීතයකට හිමිකම් කියන මෙම නාගලෙන විවේකාරාම විහාරය ආරම්භ කරන ලද්දේ පූජ්‍ය ගුරුගොඩ සංඝ සෝභින හිමියන් විසිනි. මෙම විහාරයේ විහාරාධිපති නාහිමි ලෙස 2005-2006 වර්ෂ වලදී සිරිමල්ගම ධම්මවංශ හිමි විහාරාධිපති නාහිමි වශයෙන් තිස්ස හිමි මෙම විහාරයේ උන්නතිය උදෙසා විශාල කාර්යභාරයක් ඉටුකරනු ලැබේ.

නාගලෙන විවේකාරාමය ලෙස හඳුන්වන මෙම විහාරය 2007 ජනවාරි මාසයේ සිට මෛත්‍රී සේනාසනය ලෙස නම්කර ඇත. මෙම විහාරයේ දැනට එක් හිමි නමක් වැඩවාසය කරයි. වන රක්ෂිතයක ආසන්නයේ උස් කඳු මුදුනක පිහිටි මෙම විහාර භූමිය තුළ භාවනා කුටි දෙකක් ඇත. ඊට අමතරව මෙම උතුම් පින්බිමේ ධර්ම ශාලාවක්, සමාධි පිළිමයක් 2007 වර්ෂයේ ඉදිකරන ලදී. 2010 වර්ෂයේ මෛත්‍රී සේනාසන භූමියේ බෝධියක් රෝපණය කරන ලදී. මෙම විහාරයට දායක පවුල් 120ක් පමණ සිටින අතර සෙනසුරාදා දිනවල භාවනා වැඩසටහන් පැවැත්වේ.