මඩකඩ ආරණ්‍ය සේනාසනය (නාච්චිමලේ ආරණ්‍යය)

-

-

-

-

-

-

-

-

සියම් නිකාය හා වනවාස පාර්ශවයට අයත් ඉංගිරිය ප්‍රාදේශීය ලේකම් කොට්ඨාසයේ කොට්ටියාවත්ත ග්‍රාමසේවා වසමේ ඉතා රමණීය ප්‍රදේශයක පිහිටා ඇති මෙම මඩකඩ ආරණ්‍ය සේනාසනය, දෙස් විදෙස් ජනයාගේ ජනාදරයට පත්ව ඇත. වනවාසී රංවල සද්ධාතිස්ස හිමියන් මෙම ආරණ්‍ය සේනාසනය ආරම්භ කොට ඇත.

මඩකඩ ආරණ්‍ය සේනාසනය හෙවත් නාච්චිමලේ ආරණ්‍යය ඉතාමත් රමණීය පරිසරයක පිහිටා තිබීමත්, ඒ අසලින් නාච්චිමලේ දොළ (නම්බපාන ඇළ) ගලා බැසීමත් හේතුකොටගෙන දෙස් විදෙස් ආකර්ෂණය හා ජනාදරය නතු කරගැනීමට සමත්ව ඇත. තවද මෙම පුදබිම ආවේණික වෘක්ෂලතා, දුර්ලභ දේශීය ඖෂධ පැළෑටි, පක්ෂීන්, සමනල වර්ග සහ වන සතුන්ගෙන් ගහන ප්‍රදේශයකි.

මෙහි පැවිදි කරුණු ලබන ස්වාමීන් වහන්සේලා වයස අවුරුදු 15ත්, 55ත් අතර වයස් සීමාවට අයත් වන අතර තාවකාලිකව පැවිදිතාවයට පත් කිරීමද සිදුවේ. මාස 03, මාස 06 ආදී කාල සීමාවන් 02ක් යටතේ අදාලා තාවකාලික පැවිද්ද ලබා දේ.

දායක පවුල් 365කගේ පමණ දායකත්වය මෙම ආරණ්‍ය සේනාසනය හා ඒකරාශී වී පවතී. මෙම ආරණ්‍ය සේනාසනයේ භික්ෂූන් වහන්සේලා 17ක් පමණ වැඩ වාසය කරයි.