ඉංගිරිය ප්‍රාදේශීය ලේකම් කොට්ඨාසයේ 621 මාපුටුගල ග්‍රාම නිලධාරී වසමේ අංක 29, විදුහල ඉදිරිපිට, මාපුටුගල, පෝරුවදණ්ඩ යන ලිපිනයෙහි විදුරඟ කලායතනය පිහිටා ඇත. 2014 වර්ෂයේදී ආරම්භ කරන ලද මෙම කලායතනය කළු/169 අංක යටතේ ලියාපදිංචි කර ඇත.
ප්‍රාසාංගික කලාවේදී (විශේෂ) උපාධිධාරී නර්ථන ශිල්පිනී වින්ධ්‍යා පතිරගේ මහත්මිය විදුරඟ කලායතනයෙහි කලායතනාධිපතීත්වය දරනු ලබන අතර ශෂිකලා අරවින්දි මහත්මියද මෙහි නර්ථන ගුරුවරියක ලෙස කටයුතු කරයි.
උඩරට නර්ථන සහ ජන නැටුම් උගන්වනු ලබන මෙම කලායතනයෙහි සිසුන් 40ක් පමණ ශිල්ප ලබයි. ප්‍රාදේශීය සහ පළාත් මට්ටමේ නර්ථන තරඟවලින් ජයග්‍රහණය ලැබීමෙන් සහ විවිධ කලා කටයුතු තුලින් ප්‍රදේශයට ඉමහත් සේවයක් සලසන කලායතනයක් ලෙස විදුරඟ කලායතනය සඳහන් කල හැක.
වින්ධ්‍යා පතිරගේ මහත්මිය
කලායතනාධිපති
දුරකථන අංකය - 034-2256150